Një banesë në Hamallaj të Durrësit ka rënë pre e vjedhjes orët e para të mëngjesit të ditës së djeshme (22 qershor).

Ndërsa policia ka identifikuar dhe arrestuar autorin e kësaj ngjarjeje, shtetasi Gazmir Picari 39 vjeç, banues në Mëzez të Tiranës, si dhe ka bërë të mundur sekuestrimin e sendeve të vjedhura.

Ngjarja është regjistruar rreth orës 04:00, kur 39-vjeçari ka hyrë në banesën e shtetasit P.M. 26 vjeç dhe ka vjedhur këto sende:

  • një televizor 52 polësh;
  • një laptop
  • një Ipad;
  • një portofol me një shumë të konsiderueshme parash;
  • ora dore;
  • Usb;
  • 2 telefona celularë.

Policia informon se Picari është person me precedentë penalë të mëparshëm në fushën e veprave penale kundër pronës.