Një fat i trishtë duket se po ndjek çiftin Aurela Hoxha dhe Mehdi Malkaj në garën e tyre në “Dance With Me”.
Mehdi Malkaj, aktori brilant i skenës dhe teatrit pësoi një lëndim në gju gjatë përgatitjes intensive të koreografive. Ndërhyrja e menjëhershme e mjekëve nuk ishte e mjaftueshme që ai të rikuperohej plotësisht për të vazhduar garën për çmimin e madh. Ata vendosën që Malkaj duhej t’i nënshtrohej një ndërhyrjeje kirurgjikale.
Nga spitali, ai kishte një mesazh për partneren e tij në kërcim, Aurela Hoxha: “Mikja ime e mirë, partnerja ime e shkëlqyer, të kam shumë xhan! Të dua shumë. Më vjen keq që e ndërpret këtu sfidën, por nuk kam ç’bëj, është defekt fizik. Të uroj shumë suksese, rrugë të mbarë në fusha të tjera, në rrugën tënde, në punën tënde, në ëndrrat e tua. Të dua shumë.”
Por, fatmirësisht, mjekët thonë se Malkaj së shpejti do të rikuperohet plotësisht. “Gjuri do të rikthehet në funksion siç e ke pasur më përpara.”
Vlen të theksohet fakti se këtë vit "Dance with me" ka humbur shumë nga pjesëmarrësit. E para u largua Linda Rei pas problemeve me produksionin, më pas çifti Xheni-Bernardi, të cilët pas ndarjes e panë si të pamundur vazhdimin e garës. Ndërsa moderatorja Fjori Dardha, një nga pjesëmarrëset në garë u largua pas një debati me anëtarin e jurisë Robert Aliaj.
