Një përqindje e lartë e meshkujve vuajnë nga mungesa e vitaminave dhe mineraleve për shkak të një diete të varfër me fruta dhe perime. 77% e tyre nuk marrin mjaftueshëm magnez, vitaminë D apo B12, të cilat janë jetike për një zemër të shëndetshme.
Ja cilat janë vitaminat dhe mineralet kryesore që ndihmojnë në mbrojtjen e zemrës dhe shëndetit të përgjithshëm te meshkujt:
Vitamina D3 – E rëndësishme për testosteronin, kockat, shëndetin e trurit, tensionin e gjakut dhe kolesterolin. Meshkujt me mungesë të kësaj vitamine kanë 80% më shumë rrezik për atak në zemër. Burimet kryesore janë dielli, veza, bulmeti dhe kërpudhat.
Vitamina B12 – Thelbësore për sistemin nervor dhe nivelin e energjisë. Mungesa e saj mund të shkaktojë plogështi dhe lodhje. Gjendet te mishi i qengjit, viçit dhe salmoni.
Vitaminat A, C dhe E – Antioksidantë të fuqishëm që mbrojnë qelizat, përmirësojnë shikimin dhe forcojnë imunitetin. Gjenden tek spinaqi dhe barishtet e egra.
Vitamina K – Rëndësishme për kockat, gjakun dhe zemrën. Meshkujt që nuk konsumojnë perime dhe bulmet kanë mungesë të saj. Gjendet tek perimet e gjelbra dhe produktet e bulmetit.
Magnezi – Ndihmon në parandalimin e tensionit të lartë të gjakut, kontraktimet muskulore dhe problemet me gjumin. Gjendet tek tërshëra, spinaqi, farat e kungullit, farat e linit dhe avokadoja.
Acidet yndyrore Omega-3 – Luftojnë inflamacionin dhe mbrojnë zemrën, trurin dhe imunitetin. Gjenden tek peshqit e yndyrshëm (salmon, sardele, ton), arrorët dhe farat.
Kaliumi – Ul rrezikun e sëmundjeve kardiovaskulare dhe ndihmon metabolizmin, tretjen dhe muskujt. Burime të mira janë bananet, patatet, spinaqi dhe fasulet.
Marrja e mjaftueshme e këtyre vitaminave dhe mineraleve ul rrezikun e sëmundjeve të zemrës dhe përmirëson ndjeshëm shëndetin dhe energjinë tek meshkujt.
