Ia arrin qëllimit të vjedhë makinën, por dehet nga gëzimi dhe bie në prangat e policisë.
Ngjarja e pazakontë ka ndodhur në Memaliaj.
Një i riu nga Maroku është arrestuar pasi akuzohet se ka vjedhur një makinë tip ‘mitsubishi’, pohuan burime për Noa.al.
Policia thekson se emigrantin maroken e kapi disa orë më pas, teksa po drejtonte makinën në gjendje të dehur.
“Nga shërbimet e Komisariatit të Policisë Tepelenë u arrestua në flagrancë shtetasi i huaj M. M., 30 vjeç, banues në Marok.
Shtetasi i mësipërm u arrestua pasi në fshatin Vasjar, Memaliaj ka vjedhur automjetin tip “Mitsubishi” në pronësi të shtetasit E. Ll.
Gjithashtu rezultoi se shtetasi maroken po drejtonte automjetin e vjedhur në gjendje të dehur” thuhet në njoftimin e policisë.
Materialet i kaluan Prokurorisë pranë Gjykatës së Shkallës së Parë Gjirokastër për veprime të mëtejshme
