Ndalohen 2 persona të dyshuar si autorë të vjedhjes së prokurorisë në Durrës. Mësohet se policia e Durrësit ka ndaluar dy shtetas, një nga Durrësi e tjetri nga Sukthi.
Të dy personat janë ndaluar me urdhër prokurorie pas hetimit të nisur që ditën e djeshme.
Aktualisht, nga burimet mësohet se dy autorët e dyshuar po merren në pyetje.
Pritet që policia të dalë me deklaratë për mediat në vijim.
Njoftimi i Prokurorisë një ditë më parë mbi ngjarjen:
Me date 24.05.2018 ne oren 06:30 eshte konstatuar nga ana e punonjesve te prokurorise se ne ambientet e prokurorise kishte nderhyrje nga persona te paidentifikuar, te cilet me sende te forta kane hapur deren e Zyres se Serverit ku eshte konstatuar se jane demtuar dhe marre pajisje elektronike qe regjistrojne kamerat e sigurise, etj. Po keshtu eshte konstatuar se keto persona kane hapur me force edhe zyren e nje prokurori dhe nje zyre tjeter te oficereve te policise gjyqesor. Ngjarja ka ndodhur gjate oreve te vona te nates kur Godina e Prokurorise ruhej nga punonjesit e Policise Private, ShPSRF.
Lidhur me rastin eshte regjistruar procedimi penal per nenet 293/c/2 dhe 313/a dhe 333/a dhe 334 i Kodit Penal dhe po kryhen veprime ne menyre intensive nga grupi hetimor ne lidhje me percaktimin e faktit dhe identifikimin e autoreve te vepres.
