Ish-kancelari Rishi Sunak ka njoftuar zyrtarisht se do të kandidojë për të zëvendësuar Boris Johnson si liderin konservator.

Një nga favoritët për të zëvendësuar Johnson, i cili do të qëndrojë në numrin 10 deri në vjeshtë, Sunak lansoi videon e fushatës së tij me hashtag #Ready4Rishi.

“Le të rivendosim besimin, të rindërtojmë ekonominë dhe të ribashkojmë vendin,” u tha ai ndjekësve.

Sunak, politikani i parë që hyri në listën e të pasurve të Sunday Times falë pasurisë së përbashkët prej 730 milionë funtesh të tij dhe gruas së tij, tha se vlerat e tij janë “patriotizmi, drejtësia dhe puna e palodhur”.

Duke lënë të kuptohet për politikën shtrënguese, Sunak u tha shikuesve: “Vendi ynë përballet me sfida të mëdha, më seriozet për një brez. Vendimet që marrim sot do të vendosin nëse brezi i ardhshëm i britanikëve do të ketë gjithashtu shansin për një të ardhme më të mirë. “