Një automjet është përfshirë nga flakët mbrëmjen e sotme, në qytetin e Vlorës, në lagjen "Pavarësia". Sipas burimeve policore, automjeti që ka marrë flakë ishte tip Mercedes Benz, me targa VL 2090 C, dhe dyshohet se shkak është bërë një shkëndijë elektrike, ndonëse është ende herët për të përjashtuar edhe mundësinë e një zjarrëvenieje të qëllimshme. Automjeti është në pronësi të 67-vjeçarit me inicialet J. Gj., banues në lagjen "10 Korriku", i cili e kishte parkuar atë në rrotondon e Skelës. Nga flakët është dëmtuar vetëm pjesa e pasme e makinës.