Vodhën një sasi vlere monetare dhe dokumenta personale në Durrës, arrestohen dy të rinj

Dy të rinj janë arrestuar nga policia e Durrësit, pasi në bashkëpunim me njëri-tjetrin, në ambientet e një lokali, i kanë vjedhur shtetasit A. Ç., një sasi vlere monetare dhe dokumenta personale.

Ndërkohë nga hetimet e kryera rezultoi se këta shtetas, tre ditë më parë në lagjen nr.13, Durrës, kanë vjedhur dhe një market.

Mësohet se janë arrestuar shtetasit me iniciale K. A., 20-vjeç, banues në Fushë Kosovë dhe A. B., 22-vjeç, banues në Durrës.

NJOFTIMI I POLICISË:

Durrës

Specialistët për Hetimin e Krimeve në Stacionin e Policisë Plazh, arrestuan në flagrancë shtetasit K. A., 20 vjeç, banues në Fushë Kosovë, i dënuar më parë për veprën penale “Vjedhja”, dhe A. B., 22 vjeç, banues në Durrës, i cili ishte në masën e sigurisë “Arrest në shtëpi”, për veprën penale ” Vjedhja “.

Këta shtetas, në bashkëpunim me njëri-tjetrin, në ambientet e një lokali, i kanë vjedhur shtetasit A. Ç., një sasi vlere monetare dhe dokumenta personale.

Gjithashtu nga hetimet e kryera rezultoi se këta shtetas, më datë 20.08.2021, në lagjen nr.13, Durrës, kanë vjedhur në marketin e shtetasit P. B.