Një 41-vjeçar me iniciale B.N., është arrestuar sot nga policia e Durrësit, pasi dyshohet për një vjedhje në banesën e shtetases M. T.
Pas hetimeve dhe këqyrjes së pamjeve filmike, u zbulua se i arrestuari kishte kryer vjedhjen, dhe sendet e vjedhura u sekuestruan si prova materiale.
Policia njoftoi se grupi hetimor, në bashkëpunim me Prokurorinë, po vijon hetimet për dokumentimin e disa vjedhjeve të tjera që dyshohet se janë kryer nga ky individ.
Reagim i Drejtorisë Vendore të Policisë Durrës:
Në lidhje me një postim të publikuar ditën e sotme, në një portal, ku një shtetase kallëzon se i është vjedhur banesa dhe se Policia e Durrësit, nuk ka reaguar ju informojmë se:
Shërbimet e Drejtorisë Vendore të Policisë Durrës, menjëherë pas marrjes së njoftimit për rastin, organizuan punën për identifikimin dhe kapjen e autorit.
Falë veprimeve të shpejta profesionale e hetimore bënë të mundur identifikimin, kapjen dhe arrestimin e shtetasit B. N., 41 vjeç,
Nga veprimet hetimore dhe këqyrja e pamjeve filmike, rezultoi se ky shtetas ka vjedhur në banesën e shtetases M. T.
Në cilësinë e provës materiale janë sekuestruar sendet e vjedhura në banesën e shtetases M. T.
Grupi hetimor në bashkëpunim me Prokurorinë, vijon punën për dokumentimin e disa vjedhjeve të tjera që dyshohet se janë kryer nga ky shtetas.
Drejtoria Vendore e Policisë Durrës garanton qytetarët se është maksimalisht e angazhuar për të garantuar rendin e sigurinë, parandalimin e vjedhjeve dhe zbardhjen e atyre të ndodhura më parë.
Në këtë kuadër fton qytetarët që të besojnë dhe denoncojnë te Policia rastet e paligjshmërive në çdo formë të shfaqjes së tyre në numrin 112, duke iu garantuar reagim të menjëhershëm.
