Superliga e volejbollit të meshkujve ka mbyllur sezonin e rregullt me ndeshjet e javës së 14-të. Teuta ka fituar ndaj Elbasanit me përmbysje në shifrat 1-3 (25-22, 19-25, 20- 25, 12-25).
Durrsakët e mbyllin në vend të pestë, ndërsa elbasanasit të fundit me zero pikë. Kështu, Superliga e meshkujve ka dhënë verdiktet sezonit të rregullt, me Partizanin që shkon në “play off” si vend i parë, në një sezon të dominuar, me të gjitha fitore të pastra. Skënderbeu gjithashtu kalon në “play off” si vend i dytë, ndërsa në para “play off” do të luhen sfidat Tirana-Vllaznia dhe Studenti-Teuta.
Tashmë sporti i rrjetës do të nisë pjesën e nxehtë të kampionatit, aty ku do të luhen shanset për trofeun më të rëndësishëm kombëtar.
