23 nëntor 2015
Teuta – Tirana
3-1 (24-26, 25-23, 25-17, 25-22)
Humbja e parë në kampionat për Tiranën, që pas tri fitoresh është ndalur në Durrës nga Teuta, në një ndeshje me shumë emocione dhe rivalitet. Madje janë kryeqytetasit që e nisin mirë takimin, duke fituar në shtesë 24-26 setin e parë. Por me të njëjtën monedhë replikon Teuta, që fiton 25-23 setin e dytë, duke marrë zemër e përmbysur shifrat. Vendasit, të mbështetur edhe nga publiku, dominojnë me lojën e tyre dhe kanë epërsi në parket, duke fituar 25-17 e 25-22 dy setet e tjera.
Renditja: Farka Volej 9 pikë, Tirana 9 pikë, Vllaznia 9 pikë, Teuta 6 pikë, Studenti 3 pikë, Skënderbeu 0 pikë dhe Elbasani 0 pikë.
/portali DurresLajm/
