Policia ka identifikuar autorin e vrasjes së 50-vjeçarit Alfred Dedja në Ndroq. Mësohet se shtetasi Julian Gjoshi, nga Shijaku, është afruar në këmbë në lokalin, ku ka kryer krimin dhe më pas është larguar me një makinë Benz të zi (ML).
“Më datë 01.12.2024, rreth orës 15:30, në një lokal në Ndroq, në rrethana ende të paqarta është vrarë me armë zjarri shtetasi Alfred Dedja, rreth 50 vjeç.
Autori është identifikuar nga shërbimet e Policisë dhe një grup i posaçëm hetimor, në drejtimin e Prokurorisë, po vijon punën për zbardhjen e plotë rrethanave të ngjarjes, dokumentimin e plotë ligjor të saj dhe kapjen e autorit të dyshuar”,– njoftoi policia për ngjarjen.
Dyshohet se ngjarja ka të bëjë me prishjen e pazareve të drogës.
