Një ditë më parë Dhërmiu u trondit nga një ngjarje e rëndë, ku recpesionisti, Eraldo Nevruzi u qëllua për vdekje me armë zjarri dhe më pas trupi i tij u hodh në një gurore.
Për këtë ngjarje është arrestuar Gerald Shehu në aeroportin e Korfuzit, në përpjekje për t’u arratisur drejt Anglisë.
Po ashtu, në pranga kanë përfunduar edhe dy punonjës të hotelit ku ndodhi ngjarja, të cilët akuzohen se kanë bashkëpunëtorë me autorin për fshehjen e trupit të 31-vjecarit.
Të arrestuarit e tjerë janë Daniel Qose dhe David Larti, të akuzuar si bashkëpunëtorë në ngjarjen e rëndë. Nëna e Donaldit, Kostaqe Qose, ka folur për mediat, ndërsa thotë se ngjarje e ka marrë vesh nga televizori. Ajo thekson se djali i saj kishte 5 vjet që punonte në atë hotel.
“Dëgjova nga televizori në mëngjes që ishte bërë një vrasja.Nuk e dija që kishte ndodhur në lokalin ku punonte djali. I rashë telefonit nuk më përgjigjeje shikoja në linjë i bija, por ma mbylli. Mora vajzën në Gjermani dhe e pyeta si e ka emrin lokali ku punon djali? Më duket se Greccia më tha. Marrim pyesim një shok në Dhërmi, edhe ai më tha i bie dhe nuk më përgjigjet, por mos ki merak se do shkoj unë. Gjetëm numrin më pas, i thamë interesohemi për një djalë që është ai staf. Na thanë i kemi arrestuar po i marrin në pyetje por nuk mund t’ju japim sqarim. Në orën 10 pashë në lajme figurën e djalit. Djali ka ikur që në 6 prill. Ka 5 vite që punon aty, tek i njëjti pronar fle nuk ka patur probleme më herët. Siç thonë edhe në lajme ai i ka kërcënuar dhe i kanë dhënë qese kuzhine dhe e kanë ndihmuar në makinë se i ka kërcënuar me armë. Është nisur burri me vajzën andej se morën një avokat dhe nesër kanë gjyqin. Danieli nuk e njihte se aq ditë ishte në punë, por ky pronari njihej me të që në Angli kanë bërë sherre. Nuk kemi mundësi për ta ndjekur,djali mori rrugët për të punuar. Vetëm djali na punon edhe këtu në Korçë ka punuar banakier në lokale ndërsa atje ka punuar banakier e fuste pronari edhe te piceria. Djali nuk ka pasur më herët shqetësime nga pronari, këtë vit nuk donim ta dërgonim kaq herët se fejonim çupën por pronari i tha hajde se zihet vendi. Deri në shtator punonte aty”, tha ajo.
