Familja e Alex Pretti-t lëshoi sot një deklaratë në të cilën shprehën pikëllimin dhe zemërimin e tyre për vrasjen e tij, duke thënë se ishin zemërthyer dhe duke e përshkruar Pretti-n si një shpirt zemërmirë që kujdesej thellësisht për familjen dhe miqtë e tij, si dhe për veteranët amerikanë për të cilët kujdesej si infermier i kujdesit intensiv në spitalin VA të Minneapolis.
Sipas tyre, Alex donte të bënte një ndryshim në këtë botë. Familja e tij thotë se kontakti i tij me forcat e ligjit më parë kishte qenë i kufizuar në një grusht gjobash trafiku.
Drejtuesja e Departamentit të Sigurisë Kombëtare të SHBA-së, Kristi Noem, tha se ndjente keqardhje për prindërit e Alex Pretti-t. Kur e pyetën se çfarë do t’u thoshte prindërve të Prettit, Noem tha se është e pikëlluar për ta. Komentet kishin një ton dukshëm të ndryshëm nga deklarata e Noem të shtunën, kur ajo i përshkroi veprimet e Pretti-t si terrorizëm të brendshëm.
“Vërtet po. As nuk mund ta imagjinoj humbjen e një fëmije.Kur përjetëson dhunën kundër një qeverie për arsye ideologjike dhe për arsye për të rezistuar dhe përjetësuar dhunën, ky është përkufizimi i terrorizmit të brendshëm”, tha Noem gjatë një konference për shtyp në Uashington, DC.
Administrata Trump, siç ishte rasti në vrasjen e shtetases amerikane të paarmatosur Renee Good më 7 janar nga oficerët e ICE-së, ka pohuar se Pretti ishte një radikal i krahut të majtë i prirur për të ngritur pritë dhe për të vrarë sa më shumë oficerë të ishte e mundur. Autoritetet nuk kanë ofruar prova për të mbështetur këtë pretendim.
Nga ana tjetër, familja tha se akti i fundit i Prettit po mbronte një grua e cila po keqtrajtohej nga agjentët e ICE-së. “Gënjeshtrat e neveritshme të thëna për djalin tonë nga administrata janë të dënueshme dhe të neveritshme. Alexi qartësisht nuk po mban armë kur sulmohet nga banditët vrasës dhe frikacakë të ICE-së të Trumpit. Ai e ka telefonin në dorën e djathtë dhe dorën e majtë bosh e ka ngritur mbi kokë, ndërsa përpiqet të mbrojë gruan që ICE sapo e shtyu poshtë, ndërsa po e spërkatnin me sprej me piper.”, thanë ata.
Pavarësisht këtyre referencave për ICE-në, Pretti në fakt u qëllua nga agjenti i Patrullës Kufitare të SHBA-së. Kjo agjenci është zakonisht aktive në zonat afër kufirit, por ka punuar gjithnjë e më ngushtë me agjencinë e saj simotër, ICE, nën administratën aktuale Trump, duke çuar në vendosjen e të dy agjencive në Minneapolis.
Babai i Prettit u citua nga Associated Press të ketë thënë se djali i tij ishte shqetësuar thellësisht nga veprimet e zyrtarëve federalë të imigracionit në Minneapolis dhe kishte marrë pjesë në protestat kundër ICE të shkaktuara nga vdekja e një shtetaseje tjetër amerikane, Renee Good, në qytet nga duart e një oficeri federal më 7 janar.
“Ai mendonte se ishte e tmerrshme, e dini, rrëmbimi i fëmijëve, thjesht rrëmbimi i njerëzve nga rruga. Ai kujdesej për ata njerëz dhe e dinte se ishte gabim, kështu që mori pjesë në protesta”, tha Michael Pretti.Vrasja në Minneapolis/ DW: Familja e Alex Pretti-t përgënjeshtrojnë deklaratën e administratës Trump. \DW
