Një vrasje ndodhi mbrëmjen e kaluar në Prishtinë, ku viktima është bashkëshortja e Naim Murselit, këshilltarit të ish-presidentit të Kosovës, Behgjet Pacolli.
Çifti Murseli, bashkë me dy fëmijët, ndodheshin në makinë kur dyshohet se u përballën me disa grabitës, sipas Sinjalit. Pasi grabitësit i morën sendet me vlerë, kanë qëlluar me thikë, duke plagosur rëndë 33-vjeçaren. Ajo u dërgua në spital, por nuk mundi t’i mbijetojë plagëve të marra.
Personat e dyshuar kanë lëvizur me një makinë tip “BMW” me targa të huaja.
33-vjeçarja u gjet nga policia brenda makinës, rreth orës 20:20 në në rrugën ‘Dalip Alshiqi’, në kryeqytetin e Kosovës. Megjithatë, identiteti i viktimës nuk është konfirmuar ende nga policia, ndërkohë që pritet hetim nga Prokuroria.
Për ngjarjen e rëndë, ka reaguar Behgjet Bacolli. “Lajm i tmerrshëm për tragjedinë në familjen e Naim Murselit. Dhimbjen e ndaj me dy familjet e të ndjerës Liridona“, shkruan ish-presidenti në rrjetin social “Facebook”.
