50-vjeçari shqiptar, Fatmir Tarellari, i cili ndodhet në burg për vrasjen e kunatit të tij, ka kërkuar përmes avokatëve të tij lirimin nga qelia.
Tarellari ekzekutoi kunatin 33-vjeçar, Erjon Pelivani, pasi ky i fundit i kishte përdhunuar vajzën në mënyrë të përsëritur dhe më pas i bënte presion duke i kërkuar shuma monetare.
50-vjeçari po mbahet në një prej burgjeve në qytetin e Larisës.
Tarellari u vetëdorëzua në polici pasi vrau kunatin e tij, Erjon Pelivani.
Ekzekutimi i Pelivanit ndodhi disa ditë pasi vajza 18-vjeçare i rrëfeu të atit se ishte përdhunuar nga vëllai i njerkës prej vitesh.
Ngacmimet ndaj të miturës kishin nisur në moshën 9-vjeçare ndërsa përdhunimet ishin regjistruar në moshën 12 deri në 14 vjeç.
Gjithashtu vajza ishte kërcënuar nga 33-vjeçari se do te publikonte pamje gjatë akteve nëse ajo nuk i jepte para.
Nga shpenzimi dhe kërkimi i parave ndaj familjarëve doli në dritë edhe ngjarja.
50-vjeçari pohoi gjithashtu se vajza e tij arriti në pikën e vetëvrasjes pas asaj që kaloi nga daja i saj 33-vjeçar.
Një psikiatre që ekzaminoi 18-vjeçaren, para vrasjes së ndodhur më 9 janar, kishte konstatuar se vajza vuan nga stresi post-traumatik, pas vitesh abuzime seksuale të përsëritura përdhunimi dhe shantazhi.
