Presidenti i Serbisë Aleksandër Vuçiç paraqiti sot Raportin për punën e Zyrës për Kosovën në periudhën nga maji 2019 deri në qershor të këtij viti, si dhe Raportin mbi procesin e negociatave me institucionet e përkohshme të vetëqeverisjes në Prishtinë nga maji 2019 deri më 15 qershor të këtij viti.
Mediat serbe raportojnë se përveç deputetëve, në seancë marrin pjesë edhe drejtori i Zyrës për Kosovën, Petar Petkoviç, presidenti i Listës Serbe dhe Ministri për Komunitete dhe Kthim në qeverinë e Prishtinës, Goran Rakić, dhe përfaqësues të Lista Serbe.
Në seancë foli edhe deputeti shqiptar i parlamentit serb Shaip Kamberi, i cili tha se Serbia po punon sistematikisht në margjinalizimin e pakicave shqiptare dhe ai e shprehu atë si një kundërshtim.
“Publiku serb duhet ta dijë se politikanët serbë do të duhet të flasin me njerëz nga Kosova fëmijët e të cilëve i vranë,” tha Shaip Kamberi.
Kaq mjaftoi që të reagonte Vuçiç, duke iu përgjigjur deklaratës së deputetit shqiptar në parlamenti e Serbisë dhe tha se nuk mund të besonte se Kamberi nuk donte të pranonte krimet shqiptare dhe të fliste vetëm për ato serbe.
“Ju mund të dëgjoni se ne serbët nuk kemi qenë kurrë shenjtorë ose kriminelë. Ne kurrë nuk kemi dëgjuar nga ju që keni kryer krime. Ne jemi kriminelë, dhe ju jeni engjëj nga qielli? Unë e kam të vështirë ta besoj atë.”, – tha Vuçiç.
