I dërguari i posaçëm i Trump, Steve Witkoff ka folur lidhur me përpjekjet e Uashingtonit për të arritur një marrëveshje paqeje në luftën në Iran. Ai theksoi se SHBA-të janë të përgatitura ta zgjidhin konfliktin me një zgjidhje diplomatike, por kjo zgjidhje duhet të përfshijë që Irani të mos ketë pasurim uraniumi.
“Mendoj se presidenti dëshiron një marrëveshje paqeje, por ai gjithashtu beson në dhe unë besoj në të”, tha ai.
Witkoff shtoi se nuk mund të lejojnë krijimin e një Koreje të dytë të Veriut në Lindjen e Mesme.
“Është totalisht destabilizuese për atë rajon dhe për botën”, shtoi ai.
Sipas tij takimet midis SHBA-së dhe Iranit mund të zhvillohen që këtë javë.
“Ne mendojmë se do të ketë takime këtë javë. Sigurisht që shpresojmë për këtë”, tha ai.
Witkoff shtoi se zgjatja e pezullimit të sulmeve amerikane në vendet energjetike iraniane nga Donald Trump shihet si një gjë vërtet pozitive nga Uashingtoni.
“Është e qartë se SHBA-të dhe Irani po negociojnë dhe se disa anije tani po kalojnë nëpër Ngushticën e Hormuzit,” tha ai.
