Xhaferaj me biznesin e vogël në Durrës: Ky sektor ka nevojë për masa lehtësuese imediate (FOTO)

Kandidati për deputet i PD për Durrësin, Ferdinand Xhaferaj është takuar sot me përfaqesues të biznesit të vogël.

Në një postim në rrjete sociale, Xhaferaj shkruan se mesazhi që mori nga biznesi i vogël është se ky sektor “është tejmase i rënduar dhe ka nevojë për masa lehtësuese imediate. Dhe në fakt, është në interesin e të gjithëve ne të sigurohemi që ata të marrin ndihmën e nevojshme pasi impakti i tyre në ekonomi është i konsiderueshëm.”

Xhaferaj shkruan gjithashtu se përveç përmirësimit të klimës së biznesit, “programi i PD synon eliminimin e presionit dhe abuzimit shtetëror ndaj biznesit nëpërmjet tatimorëve. Kjo masë shoqërohet edhe me uljen e taksave për biznesin e vogel ku tavani i detyrimeve karshi shtetit (në nivel qëndror apo lokal) nuk do të kalojë 1.5% të xhiros. Ekonomistë të ideologjive të ndryshme kanë rënë dakord se rimëkëmbja e ekonomisë fillon nga rimëkëmbja e biznesit të vogël dhe rimëkëmbja e biznesit të vogël fillon pas 25 Prillit”.