Këngëtarja e njohur, Xhensila Myrtezaj, feston sot 30-vjetorin e lindjes.
Krahas urimeve të shumta nga fansat, miq dhe të afërm, ‘qershia mbi tortë’ është padyshim urimi i bashkëshortit të saj, Bes Kallaku.
Përmes një dedikimi të veçantë dhe plot dashuri, aktori dhe këngëtari i ka uruar gjysmës së tij më të mirë gëzuar në Instagram.
“Urime ditëlindjen, e mira, e bukura, e ëmbla, mami më e mira në botë. Gjysma ime më e mirë. Të dua, të duam”, shkruan Besi, teksa mesazhin e shoqëron me një foto familjare.
Dyshja, prej kohësh në një lidhje dashurie, vendosën ta kurorëzojnë dashurinë në martesë vetëm më 2 shtator të vitit 2017. Fryt i kësaj dashurie është vajza e tyre e vetme, Ajka.
