Këngëtarja durrsake Zaimina Vasjari është në muajin e fundit të shtatzënisë, ndërsa vetëm pak ditë më parë organizoi dhe një festë për vajzën e saj që pritet të vijë në jetë, Khloe.
Edhe pse për lidhjen e saj me partnerin prej më shumë se 10 vitesh, ajo nuk ka folur kurrë në publik, mediat kanë publikuar disa foto të tyre.
Por duket se tashmë heshtja e nënës së ardhshme ka marrë fund. Përmes një postimi në Instagram ajo e ka falënderuar publikisht partnerin Klodian Asllani që e bëri nënë si dhe që e trajton si mbretëreshë.
“Të dua Khole ime. Ditën e parë që ndjeva rrahjet e zemrës tënde, ishte momenti më i bukur i jetës sime. Ti je gjëja më e pastër që më ka ndodhur dhe me padurim pres të të mbaj në duar, të të dua dhe mbroj gjatë gjithë jetës sime. Faleminderit Klodian Asllani që më trajton si princeshë, që më bën të ndihem kaq speciale përgjatë gjithë kësaj kohë magjike, dhe më e rëndësishmja, që po më bën nënë. Ky është muaji i fundit për pritjen tonë për ardhjen e engjëllit të vogël. Faleminderit të gjithëve për urimet tuaja. Faleminderit Zot për të gjitha”, ka shkruar ajo.
