Zbardhet vjedhja e 75 mijë eurove, arrestohet një grua dhe shpallet në kërkim bashkëpunëtori i saj

Zbardhet dhe dokumentohet ngjarja e ndodhur në Përmet, ku 63-vjeçarit Koço Proko i vodhën një shumë parash në banesën e tij.

Burime zyrtare nga policia bënë me dije se ka përfunduar në pranga 36-vjeçarja Ordeta Shahini si dhe është shpallur në kërkim Paulin Peçi, me precedentë të mëparshëm penal.

NJOFTIMI I POLICISË

Zbardhet dhe dokumentohet ngjarja e ndodhur në Përmet, ku një 63-vjeçari i vodhën një shumë parash në banesën e tij.

Kapet dhe ndalohet një shtetase e dyshuar ai autore e ngjarjes, shpallet në kërkim bashkëpunëtori i saj.

Policia e Përmetit, menjëherë pas marrjes së kallëzimit se shtetasit K. P., 63 vjeç, banues në Përmet, i kishin vjedhur shumën 75 000 euro, në banesën e tij në Përmet, organizoi punën dhe falë veprimeve të shpejta dhe profesionale bëri të mundur kapjen dhe ndalimin e shtetases O. Sh., 36 vjeçe, banuese në Përmet dhe shpalljen në kërkim të shtetasit P. P., 28 vjeç, banues në Përmet (me precedent të mëparshëm kriminal në fushën e vjedhjes me dhunë”).

Shtetasja O. Sh., dyshohet se në bashkëpunim me shtetasin P. P., ka vjedhur shumën prej 75 000 euro në banesën e shtetasit K. P.

Në cilësinë e provës materiale u sekuestruan 27 000 euro.

Materialet hetimore i kaluan Prokurorisë së Rrethit Gjyqësor Përmet, për veprime të mëtejshme.