Zbulohen ftesat dhe bashkë me to data e dasmës së Besit dhe Xhensilës?! Dihet që ata do të martohen në fillim të shtatorit dhe do të organizojnë dy dasma.
Kur artizania e njohur e ftesave, Olga, publikon në profilin e saj disa ftesa me inicialet Xh dhe B dhe datën 1 shtator nuk kemi si të rezistojmë pa menduar që janë ftesat e çiftit.
Në foto shfaqen zarfet që kanë një pamje klasike dhe luksoze. Në ta janë shkronjat Xh dhe B, data 1 shtator dhe disa trëndafila. Ngjyra e artë mesa duket ka qenë zgjedhja e çiftit të njohur për ftesat.
Tashmë ato janë gati për t’u shpërndarë, të shohim nëse ndonjë i ftuar VIP do e ndajë kur t’i mbërrijë në dorë që të vërtetohet plotësisht që XH-ja dhe B-ja, janë Xhensila dhe Besi.
