Mediat malteze kanë bërë sot publik emrin e shqiptarit të dytë, i cili sëbashku me një tjetër akuzohen se qëndrojnë pas grabitjes së një argjendarie në Maltë.
Por jo vetëm kaq. Gjatë arrestimit, një prej tyre tentoi të vriste oficerët e policisë, por dështoi pasi arma nuk funksionoi.
Kështu, MaltaToday shkruan se 22-vjeçari Daniel Muka, doli këtë të shtunë para gjykatës ku u njoh me akuzat e ngritura ndaj tij.
I riu akuzohet për tentativë vrasje ndaj oficerëve të policisë, rezistencë më mënyrë të dhunshme gjatë arrestimit dhe kërcënim ndaj oficerëve. 22-vjeçari akuzohet edhe për posedim kokaine e arme zjarri.
Ai nuk i pranoi akuzat, megjithatë gjykata vendosi që ta lerë në arrest me burg. Muka është një prej 2 shqiptarëve të arrestuar të enjten, pas dyshimeve se janë të përfshirë në grabitjen me armë të një argjendarie që ndodhi javën e shkuar në Sliema.
Emri i shqiptarit tjetër nuk është bërë ende i ditur, megjithatë për ngjarjen ishte shpallur në kërkim 24 – vjeçari Ramazan Hysa./tvklan.al
