Që kur Cristiano Ronaldo dhe Georgina Rodriguez filluan lidhjen e tyre në vitin 2016, ka pasur thashetheme të vazhdueshme për marrëdhëniet e tensionuara mes partneres dhe mamasë së futbollistit, Dolores Aveiro.
Megjithatë, sipas revistës Look, rrënja e konfliktit të tyre mund të jetë në një vendim i marrë nga Georgina kur ajo u transferua me Cristiano në La Finca.
Thuhet se Cristiano i dha asaj liri të plotë për të dekoruar shtëpinë sipas shijes së saj, duke dashur që ajo të ndihej rehat në shtëpinë e tyre së bashku.
Siç thuhet nga mediat e sipërpërmendura, një nga ndryshimet e bëra nga Georgina u kundërshtua shumë nga Dolores Aveiro. Mbi oxhakun në dhomën e ndenjes, dikur ishte një pikturë e madhe me Cristianon dhe nënën e tij.
Megjithatë, pasi Georgina u zhvendos, Dolores zbuloi se piktura ishte hequr dhe zhvendosur në garazh.
Në vend të saj, Georgina kishte vendosur një pikturë të saj, të cilën Dolores Aveiro e interpretoi si një përpjekje për ta zëvendësuar dhe një shfaqje epërsie nga ana e Georgina.
Ky, sipas thashethemeve, besohet të jetë shkaku i vërtetë i sherrit mes tyre, i cili vazhdon edhe pas shtatë vitesh, duke sjellë si pasojë marrëdhënien e tyre mjaft të largët mes të dyjave.
Në fakt, vetëm pak javë më parë, revista Lecturas raportoi se Dolores Aveiro kishte bërë magji në një kukull që i përkiste Georgina.
Nuk e dimë se sa të vërteta janë këto por nëna e Ronaldos i mohoi menjëherë këto akuza në një deklaratë, duke theksuar se ato ishin të rreme dhe se shërbenin vetëm për të dëmtuar reputacionin e saj.
