Zbulohet shkaku i vdekjes së këngëtarit, Keith Flint.
Sipas ekspertizës së policisë britanike, e cila citon burimet mjeko ligjore, ylli i "The Prodigy" ka varur veten.
Kënëgëtari 49-vjeçar u gjet i pa jetë më 4 mars në rezidencën e tij në Essex, në jug të Britanisë së Madhe. Flint, i lindur në Braintree, mori famë me grupin elektronik në vitet 1990. Grupi, që do zhvillonte turneun në SHBA në maj, publikoi albumin e fundit në nëntor.
Flint ka qenë shpirti i grupit, "The Prodigy" i cili u formua në vitin 1990. Të shtatë albumet e grupit të famshëm kanë arritur të jenë në vend të parë në Mbretërinë e Bashkuar. "No Tourist" ishte i fundit që u lançua në 2018-n.
