Astronomët kanë zbuluar vrimën e zezë më të afërt të njohur me Tokën, vetëm 1600 vjet dritë larg.
Shkencëtarët raportuan sot se kjo vrimë e zezë është 10 herë më masive se Dielli ynë dhe tre herë më afër se vrima e zezë më e afërt e mëparshme, raporton AP.
Rajoni në hapësirë u identifikua duke vëzhguar lëvizjen e yllit të tij shoqërues, i cili rrotullohet rreth vrimës së zezë në afërsisht të njëjtën distancë si Toka rreth Diellit.
Vrima e zezë u zbulua fillimisht nga anija kozmike Gaia e Agjencisë Hapësinore Evropiane, tha Karim El-Badri i Qendrës Harvard-Smithsonian për Astrofizikë.
