Volodymyr Zelensky i ka kthyer përgjigje presidentit të Francës Emanuel Macron duke u shprehur se nuk do ta poshtëronin Rusinë.
“Disa njerëz duan të bëhen liderë. Të jesh lider nuk do të thotë thjesht ta konsiderosh veten si lider, por të sillesh si i tillë,” tha Zelensky për Financial Times.
Madje ai pyeti “si mund të arrijmë një armëpushim në territorin e Ukrainës pa dëgjuar qëndrimin e vendit dhe pa dëgjuar qëndrimin e liderit të këtij vendi?.” Më 28 maj, Emanuel Macron dhe Olaf Solz kontaktuan Vladimir Putin, për vendosjen e një armëpushimi me Ukrainën.
Në të njëjtën kohë, ata i bënë thirrje presidentit rus që të ketë kontakte të drejtpërdrejta me homologun e tij ukrainas.
“Ne nuk do të poshtërojmë askënd,” iu përgjigj Zelensky, Macronit.
Kujtojmë se, në një intervistë të publikuar të shtunën, presidenti francez deklaroi: “Ne nuk duhet të poshtërojmë Rusinë, në mënyrë që në ditën e ndalimit të luftimeve të mund të bëjmë një dalje (nga kriza) me mjete diplomatike. Jam i bindur se roli i Francës është të jetë një fuqi ndërmjetëse”.
“Ne nuk do të poshtërojmë askënd,” u përgjigj Zelensky. “Thjesht do të përgjigjemi në të njëjtën mënyrë.”
Presidenti i Ukrainës deklaroi se ishte i përgatitur për negociata me Rusinë. Megjithatë, ai e bëri të qartë se i vetmi person me të cilin mund të diskutojë përfundimin e luftës është Vladimir Putin.
