Sipas presidentit ukrainas Zelensky, të cituar nga agjencia e lajmeve Reuters, ka të ngjarë që në qytetin jugor të Mariupolit janë vrarë dhjetëra mijëra njerëz që nga pushtimi i Rusisë.
Në një video-takim me ligjvënësit e Koresë së Jugut, ai tha:
“Mariupol është shkatërruar, ka dhjetëra mijëra të vdekur, por edhe përkundër kësaj, rusët nuk po e ndalin ofensivën e tyre”
Refugjatët që kanë ikur nga qyteti i rrethuar e kanë përshkruar situatën atje si të mjaft të rrezikshme, me trupa të varrosur në varre të cekëta, plaçkitje nga luftëtarët çeçenë dhe banorë të uritur që vriten kur dalin nga banesat për të gjetur ujë.
