Një aksident është regjistruar pasditen e sotme në fshati Baqël të Zadrimës në Lezhë, rreth orës 14:20. Policia bën me dije se mjeti traktor me drejtues shtetasin P. P., 73 vjeç, është përplasur me motomjetin me drejtues shtetasin A. M., rreth 54 vjeç.
Si pasojë është dëmtuar drejtuesi i motomjetit, i cili ndodhet në spital, në kujdesin e mjekëve. Mësohet se 54-vjeçari është në gjendje të rëndë. Me drejtuesin e traktorit, shtetasin P. P., po kryhen veprimet procedurale.
Grupi hetimor ndodhet në vendngjarje dhe po punon për sqarimin e rrethanave të aksidentit.
