Ditën e diel më 4 dhjetor do të zhvillohen votimet për primaret në Partinë Demokratike që do të nxjerrin më pas kandidatët që do të përfaqësojnë selinë blu në zgjedhjet e 14 majit.
Prej rreth një muaji është hapur gara për pjesëmarrje në primaret e PD-së. Të gjithë anëtarët e PD-së dhe simpatizantët, të cilët mund të jenë të pajisur me një kartë të posaçme, mund të votojnë në primare. Karta për simpatizantët vlen vetëm për këto votime. Pasi të paraqiten në qendrat e votimit, ata duhet të dorëzojnë kartën dhe do të mund të votojnë.
Deri më tani janë deklaruar më shumë se 200 emra të cilët kanë marrë pjesë në primaret e PD. Ka edhe bashki që kanë vetëm një kandidat në primare. Degët e PD kanë bërë përgatitje për procesin e votimit që do të mbahen më 4 Dhjetor.
Fushata elektorale ka zgjatur mbi 10 ditë dhe kandidatët kanë paraqitur platformat e tyre.
