Malajzi, 30 mars 2014 – Misteri rreth avionit të zhdukur malajzian po rritet dita-ditës duke përfshirë edhe heshtjen misterioze. Ndërsa, spekulimet e fundit në qendër të vëmendjes kanë vënë miliarderin Jacob Rothschild. Edhe pse aktualisht pyetja kryesore është ku dhe si ra avioni, pak kush i kushton rëndësi asaj se kush fluturoi me të.
Kur e shikon përbërjen e udhëtarëve, shihet se në mesin e tyre ishin 20 inxhinierë të kompanisë amerikane të teknologjisë, Freescale Semiconductor, i cili për 50 vite merret me mikroprocesorë, sensorë dhe teknologji tjera, transmeton Telegrafi.
Një pistë e re hetimi lidhet me këta 20 inxhinierë dhe Jacob Rothschildin, i cili me vdekjen e tyre bëhet pronar i vetëm i patentës së mikroçipit KL-03, që thuhet se do të përdoret për luftë elektronike.
Jacob Rothschild (77 vjeç) është miliarder britanik, anëtar i dyshuar i masonerisë dhe lider sekret i botës. Disa media thonë se Rothschild e përdori kompaninë e Malajzisë për ta bërë këtë çip të vetin.
Pas kësaj deklarate, menjëherë filluan pyetjet: Pse aq shumë inxhinierë të kompanisë Freescale Semiconductor udhëtuan bashkë? Ku shkuan? A janë ata shkaku i zhdukjes së aeroplanit? A kishin informacione të vlefshme? A dinin sekrete teknologjike?
Pas të gjitha këtyre pyetjeve, gjithçka ngjan me një film Hollyëoodi. Por, a është kjo e vërtetë apo teori komploti, këtë askush nuk e di derisa nuk gjendet avioni.
/agjencia e lajmeve “Dyrrah”/
