Historia e automobilave ende mban mistere që i magjepsin entuziastët e makinave klasike.
Një prej tyre është zhdukja misterioze e Bugatti Type 57S Atlantic, makinës personale të djalit të Ettore Bugatti-t, e cila u prodhua në vitin 1936 dhe tani vlerësohet të kushtojë gati 100 milionë euro.
Makina, një nga modelet më të rralla dhe më ikonike në historinë e Bugatti -t, u zhduk më shumë se 70 vjet më parë.
Pavarësisht kërkimeve dhe viteve që kanë kaluar, gjithçka tregon se nuk është shkatërruar, por ndoshta është ende i fshehur diku, duke pritur të zbulohet.
Nëse vërtet gjendet, do të ishte gjetja më e shtrenjtë në historinë e automobilave, një lloj thesari që çdo koleksionist ëndërron ta zbulojë.
Historia e Bugatti Type 57S Atlantic është një mister i madh. Koleksionistët dhe historianët e makinave mbeten të interesuar për fatin e saj, pasi zbulimi i saj do të ishte jo vetëm një ngjarje ekonomike, por edhe historike, duke zbuluar një pjesë të trashëgimisë së Bugatti-t që ka mbetur e panjohur deri më sot.
