Ka përfunduar mbledhja e Këshillit të Sigurisë Kombëtare, e thirrur nga presidenti Ilir Meta, ku u diskutua mbi situatën në Ukrainë, që momentalisht paraqitet kritike.
Të pranishëm kanë qenë Shefi i Shtabit të Forcave të Armatosura, ministri i Mbrojtjes Niko Peleshi, zv.kryeministri Arben Ahmetaj, deputetë, kryetari i komisionit parlamentar të sigurisë Nasip Naço, zv.ministrja e Jashtme Megi Fino, Drejtori i Shërbimit Informativ Shtetëror, Drejtori i Përgjithshëm i Policisë etj.
Kujtojmë se në mbledhjen e Këshillit të Sigurisë të thirrur nga Kreu i Shtetit nuk ishte i pranishëm kryeministri Edi Rama dhe ministrja e Jashtme, Olta Xhaçka, të cilët ndodhen në SHBA, ku do të marrin pjesë në Këshillin e Sigurisë të OKB.
Në fokus të kësaj mbledhjeje të thirrur nga presidenti ishte situata e tensionuar në kufirin e Ukrainës dhe paralajmërimet e perëndimit për një pushtim të mundshëm brenda pak orëve nga Rusia, ndërkohë që vetë presidenti i Ukrainës shprehet se nuk ka prova që Rusia do të pushtojë.
