Zjarr në një hotel në qytetin e Bilishtit.
Të gjithë të pranishmit në hotel kanë mundur të largohen në kohë, megjithatë flakët kanë dëmtuar ndërtesën dhe orenditë e hotelit.
Fatmirësisht nga flakët nuk ka persona të lënduar, por janë shkaktuar vetëm dëme materiale.
Në vendngjarje kanë mbërritur zjarrfikëse nga Devolli, të cilat po luftojnë për shuarjen e flakëve. Ndërsa për ndihmë u nisën edhe zjarrfikëse nga Korça.
Nuk dihet ende shkaku i flakëve. Autoritetet, dyshojnë për shkëndijë elektrike por do të jetë ekspertiza ajo që do e përcaktojë.
