Një i ri shqiptar është vënë në pranga nga policia zvicerane pasi është kapur me më shumë se 4 kilogramë kokainë në valixhen e tij të udhëtimit. Bëhet fjalë për një 26-vjeçar shqiptar që ishte nisur në San Paolo, Brazil, me destinacion përfundimtar Tiranën. Por, udhëtimi i tij është ndërprerë në Zvicër. Ai kishte zbritur në aeroportin e Zyrihut për të marrë avionin tjetër për në Tiranë, por gjatë kontrollit i është gjetur edhe lënda narkotike që e kishte fshehur në valixhe. Drogën e kishte fshehur në disa të brendshme femrash që i kishte marrë me vete nga Brazili. Lajmin e ka bërë publik policia e Zyrihut.