Kosovë, 14 qershor 2014 – Këngëtarja shqiptare, Leonora Jakupi, e ka fituar çmimin kryesor të Starcard Videofest 2014 për videoklipin e këngës “Vajza e Kojshisë”.
Ishte kjo një mbrëmje e pazakontë për sferën e shoubizit, pasi ishte mbrëmje ku është dashur të shpërblehen më të mirët.
Në pallatin e kulturës “Asim Vokshi” në Gjakovë është mbajtur Starcard Videofesti 2014, ku së pari artistët kaluan tapetin e kuq, e më pas edhe u ndanë çmimet.
Babastars, Pint, Elephant, Tuna, ThreeDots, kompani e artistë të tjerë ishin ata që munguan në këtë organizim, që la zbrazëtirë në sallë.
Ledri fitoi çmimin “Best Hip Hop”, kurse Dafina Zeqiri e fitoi çmimin për “Bashkëpunimin më të Mirë” me Dj Blunt dhe Real 1.
E pikërisht Ledri dhe Dafina u bashkuan në skenë për një projekt të ri, të cilin e performuan duke shkëmbyer puthje. Kjo ishte edhe pika kulminante e kësaj mbrëmje, ku dy yjet shkëlqyen në skenën e Videofestit.
Në fund ishte Mimoza Kusari Lila, e cila nën prezantimin e shkëlqyer të Benet Kaçit ndau çmimin kryesor – atë të “Videospotit më të Mirë për vitin 2014”.
Ky çmim i takoi Leonora Jakupit me këngën “Vajza e Kojshisë”, videoklipi i punuar nga Max Production. Çmimin Leonora ia dedikoi babit të ndjerë të saj.
“Ka 20 vite që jam në skenë, por 16 vite pa babain tim. Ky çmim i dedikohet atij”, u shpreh Leonora.
Çmimet e ndara në Videofest:
1.Video Spoti më i mirë në konkurrencën e grupeve Offcestra.
2.Video Spoti më i mirë në bashkëpunim Dafina Zeqiri ft Dj Blunt & Real 1- Veq met pas ty
3.Video Spoti më i mirë në konkurrencën e meshkujve apo best male Getho Geasy- E nxonme
4.Video Spoti më i mirë i zhanrit Pop Alban Skenderaj- Mrekullia e tetë
5.Video Spoti më i mirë i zhanrit Rock Shapt Deda
6.Video Spoti me regjin më të mirë Dafina Zeqiri-Time Out
7.Video Spoti më i mirë në konkurrencën Best New Artist Era Istrefi- Money për Money
8.Video Spoti më i mirë i zhanrit Best Hip Hop Ledri Vula- 100 probleme
9. Video Spoti më i mirë në konkurrencën e femrave Leonora Jakupi- Vajza e Kojshis
10. Video Spoti më i mirë në zhanrin Pop Folk Skivi ft Mimoza Shkodra e Nora Istrefi- Na
11.Video Spoti më i mirë në konkurrencën RnB Dafina Zeqiri-Hajde ma knej
12. Video Spoti me styling më të mirë Era Istrefi- Edehun
13.Leonora Jakupi- Vajza e Kojshis
14.Video Spoti më i mirë në kategorinë Dance Adrian Gaxha ft Floriani & Skivi- Welcome to Prishtina
15. Video Spoti më i mirë duet Tuna ft Cosman-Fenix
16.Video Spoti me Performancën më të mirë Era Istrefi- E dehun
17.Video Spoti më i mirë Leonora Jakupi-Vajza e Kojshis
/agjencia e lajmeve “Dyrrah”/
