Sot pasdite dhe orët e para të ditës së nesërme do të ketë reshje shiu në gjithë vendin, por nga ana tjetër fundjava dhe java që vjen do të sjellë një të nxehtë afrikan.

Paqëndrueshmëria e motit do të sjellë reshje shiu, por edhe temperatura të larta. Meteorologu Metodi Marku tregon se e mërkura pasdite dhe dita e nesërme në paradite do të ketë reshje shiu.

"Duke përjashtuar ditën e sotme dhe ditën e nesërme, më pas në fundjavë dhe në ditët e para të javës që vjen ne presim që të kemi një skenar ditor ku pjesa e parë e ditës ka probabilitete të larta që të jetë e kthjellët, ndërkohë që pjesa e dytë duhet të bëhet kujdes nga qytetarët për arsye se mund të ketë kondeksion lokal dhe reshje të pasdites, të cilat mund shoqërohen me shtrëngata, por edhe me ngarkesa elektrike", thotë meteorologu Metodi Marku.

Por, një mot me kapriço si ky i pranverës do të na sjellë dhe temperatura të larta. Në fundjavë Shqipërinë e prek vala e të nxehtit afrikan.

"Në ditët në vijim për shkak të masave ajrore të ardhura nga kontinenti afrikan presim që të reflektojnë rritje të temperaturave ndonëse graduale. Kjo do të vazhdojë në fund të kësaj jave dhe në fillim të javës që vjen. Pra, një tendencë në rritje e temperaturave", – thotë Marku. /reporttv