Jeruzalemi, Macron kundër Trump dhe Netanyahut

Postuar: 10/12/2017 - 20:37

   Franca nuk e aprovon vendimin e Shteteve të Bashkuara për të njohur Jeruzalemin si kryeqytet të Izraelit dhe nuk pranon të transferojë ambasadën e saj nga Tel Avivi.

Ky qëndrim është shprehur nga presidenca franceze, e cila në një komunikatë zyrtare thekson nevojën që Jeruzalemi të bëhet kryeqytet i dy shteteve, Izraelit dhe Palestinës.

“Franca është e vendosur t’i përmbahet së drejtës ndërkombëtare dhe të respektojë rezolutat e Këshillit të Sigurisë së OKB-së”, thuhet në komunikatë. Për Parisin zyrtar, Jeruzalemi duhet të kthehet në kryeqytetin e dy shteteve, sipas vendimeve që duhet të merren në negociatat e paqes mes Izraelit dhe Palestinës.

Komunikata është shpërndarë në të njëjtën kohë kur në Elize zhvillohej një takim mes presidentit Emmanuel Macron dhe kryeministrit Izraelit, Benyamin Netanyahu. Në konferencën e përbashkët për shtyp, Macron i ka kërkuar Netanyahut që të pezullojë kolonitë izraelite, në “shenjë besimi” ndaj palestinezëve pas përleshjeve për Jeruzalemin.

“Mendoj se Izraeli mund të fillojë me pezullimin e ndërtimit të kolonive, si një gjest mirëbesimi ndaj palës palestineze”, ka thënë Macron. Të njëjtin qëndrim sa i përket Jeruzalemit, Macron ia përcolli më herët edhe presidentit turk Erdogan, gjatë një bisede telefonike. 

Nga ana e tij, Netanyahu ka deklaruar se përpjekjet për t’i mohuar lidhjen mijëravjeçare popullit hebre me Jeruzalemin janë absurde. Ai ka theksuar se, sa më parë palestinezët të pranojnë këtë realitet aq më shpejt dy palët do të ecin drejt arritjes së paqes.

“Mund të lexoni një libër shumë të mirë për këtë çështje, quhet Bibël. Mund të dëgjoni historinë e komuniteteve izraelite përmes diasporës sonë. Ku mund të jetë tjetër kryeqyteti i Izraelit përveç se në Jeruzalem?”, është shprehur Netanyahu.

/portali DurresLajm/

Na bëni like në facebook!: 

Lajme nga e njëjta kategori

   Mbi 2 milionë myslimanë u mblodhën në qytetin e shenjtë të Mekës për pelegrinazhin e përvitshëm 5-ditor.

Momenti i rrëzimit të urës Morandi në Xhenova është fiksuar në kamerat e sigurisë në pamjet e shpërndara sot nga Guardia di Finanza.

Një person i armatosur ka qëlluar me armë në drejtim të Ambasadës së SHBA-së në kryeqytetin turk, Ankara. 

Një auditim ndaj qeverisë franceze ka dalë me përfundimin se 840 ura franceze kanë dëmtime shumë serioze dhe kërcënojnë shembjen.

Një tërmet i fuqishëm me magnitudë 8.2 ka goditur Oqeanin Paqësor pranë Fixhi dhe Tonga këtë të diel, fatmirësisht pa shkaktuar të lëndua

Zjarrfikësit italianë kanë lëshuar pamje të marra me dron, që tregojnë zonën rreth vendit ku u shemb ura në Xhenova.

Një tjetër tërmet i fortë ka goditur Indonezinë, vetëm dy javë pas tërmetit të fundit ku humbën jetën 460 persona.

   Prokurori i posaçëm Robert Mueller, i cili po heton ndërhyrjen ruse në zgjedhjet presidenciale të 2016-ës, në SHBA, ka rekomanduar par

   43 të vdekur është bilanci përfundimtar i viktimave pas tragjedisë që ndodhi në Xhenova, ku u shemb një pjesë e urës Morandi.

   Luigi Fiorillo arriti të ndalë makinën e tij një hap larg nga gërmadhat e urës Morandi, e cila u shemb në 14 Gusht në Xhenova të Itali