Çelet në UAMD ekspozita "Në gjurmët e Gjergj Kastriot – Skënderbeut" (VIDEO)

Postuar: 17/01/2018 - 16:39

Më datë 17 janar 2018, u çel në ambientet e bibliotekës së Kampusit të Ri të UAMD-së, Ekspozita ‘Në gjurmët e Gjergj Kastriot - Skënderbeut’. Ndryshe nga ekspozitat e mëparshme, këtë herë UAMD kishte menduar diçka më konceptuale, më interaktive dhe sigurisht më grishëse.

Ekspozita ishte konceptuar në dy anët e një prej ambienteve të bibliotekës, ku në njërën anë qëndronte një instalacion, i cili ishte konceptuar nga një tel i zakonshëm, ku gratë ndejnë rrobat çdo ditë, dhe veshje ‘të varura jo rastësisht në telin e ‘galerisë’.

Në secilën prej veshjeve, ishte stampuar një nga shprehjet e heroit tonë, që i ka përdorur për të udhëhequr betejat apo si mjet komunikimi. E duke ngritur një paralelizëm me studentët – mësuesit e ardhshëm të fëmijëve tanë, të udhëhequr nga fryma e punës, e respektit dhe dashurisë, të çojnë përpara vlerat e veta individuale, e të gjithë së bashku të udhëheqim një shoqëri më të mirë e të denjë.’ Studentët vishnin bluzën, mesazhi i së cilës u vinte më për shtat.

Pjesa tjetër e ekspozitës, prezantonte imazhe të stampuara të lokalizimeve të ndryshme, ku Gjergj Kastriot Skëndërbeu ka lënë gjurmë. Në Dibër kemi vendin e lindjes, në Krujë betejat e fituara, në Ardenicë – kurorëzimin e martesës, në Lezhë – varrin e tij e kështu me rradhë. Secila nga imazhet ilustrohej nga grupet e vogla të studentëve, të cilët nuk ngurronin të shprehin kënaqësinë që fituan nga kjo eksperiencë.

Mesazhi është i thjeshtë për t’u kuptuar, përcjellja e “gjurmëve” të Skënderbeut nga e shkuara drejt së ardhmes. Dhe në fakt, ky është dedikim për të, për mësuesit dhe edukatorin e ardhshëm, i cili realizon përcjelljen e gjurmëve dhe komunikimit në breza. Dhe kjo ekspozitë është një ftesë për të kuptuar këtë dedikim.

/portali DurresLajm/

Video: 
Na bëni like në facebook!: 

Lajme nga e njëjta kategori

   “Drama e dy karaktereve”, vepra pjesërisht autobiografike e autorit Tennessee Williams, erdhi premierë për herë të parë në Tiranë muaj

Me rastin e ditës Ndërkombëtare për fëmijët e humbur, në Durrës është zhvilluar një aktivitet sensibilizues, me pjesëmarrje masive të nxë

Presidenti i Republikës, Ilir Meta shpreh keqardhjen për ndarjen nga jeta të akademikut, albanologut e gjuhëtarit të mirënjohur shqiptar,

“Signs, games and messages” titullohet koncerti i violinistit Fl

   “La memoria del Vento” (Kujtesa e erës), 50 vjet të Shqipërisë në histori fotografike titullohet ekspozita fotografike e fotoreporteri

   Biblioteka Publike Durrës, në bashkëpunim me Klubin e Shkrimtarëve dhe Artistëve, organizoi përurimin e dy romaneve të autorit Vaso Pa

   “La memoria del vento” është libri i fotoreporterit Italian Luca Turi, që do të promovohet 24 orëve të ardhshme në portet e Barit (Ita

   Klubi i Artit dhe Kulturës Sigal në Durrës javën e kaluar mikpriti shkrimtarin Stefan Çapaliku, i cili prezantoi dy vëllimet e parë të