Përdhunohet nga vjehrri dhe i marrin vajzën. Vëllai i nuses: Kërcënon familjen, do bëj skandal

Postuar: 12/02/2018 - 14:52

Rikthehet sërish në studion e emisionit “Me zemër të hapur” në News 24 historia e 29-vjeçares nga Lushnja e cila në shtator të vitit të shkuar e shoqëruar nga nëna e saj denoncoi vjehrrin për abuzim seksual me të gjatë viteve të martesës. Jeta e kësaj vajze ka pasur disa momente tejet të vështira, por ky skandal ishte goditja më e madhe për të.

Pavarësisht vështirësive që i është dashur të kalojë, të problemeve shëndetësore dhe humbjes së babait, që nga momenti që u bë nënë është bërë akoma dhe më luftarake. E dashuronte Teodorin dhe është e bindur se vazhdojnë të duhen ende, por ishte dëshira e familjes së tij për t’i ndarë nga njeri-tjetri dhe jo vetëm. Prej më shumë se 1 viti ajo nuk sheh dot të bijën.

Familjarët e bashkëshortit e kanë marrë të miturën dhe e mbajnë larg saj në shtetin italian. Në kushte të tilla ajo iu drejtua gjykatës për të fituar kujdestarinë, edhe pse e fitoi këtë të drejtë sërish nuk ia kthejnë të bijën. Vjehrra ka shkuar dhe e ka apeluar vendimin, e ndërsa pret vendimin e apelit ajo nuk di se çfarë po ndodh me vajzën e saj Martinën. Është e bindur që vogëlushja e kërkon dhe asaj i mungon çdo ditë e më shumë. Nëna e saj apelon sërish që të dyja të bashkohen sa më parë me njëra-tjetrën.

“Vajzën e duan sepse është mirë nga ana mendore. Po të ishte sëmurë me të meta mendore do ia linin vajzës sime. Ata e mbajnë që t’iu shërbejë. Ajo po shkon 6 vjeç dhe mund t’i ndihmojë, është shumë e zgjuar. Goca po më sëmuret, kërkon fëmijën e saj që e mbajti 9 muaj në bark. Gjykata ka vendosur që vajza të rrijë me Marsidën por ata nuk e sjellin”, tha Liliana Zero, nëna e Marsidës.

Sipas saj që në korrik, e bija nuk ka komunikuar me mbesën.

“Nuk e hapin ata telefonin. Që më 27 korrik nuk ka folur me vajzën. Nuk janë dakord që ta marrë Marsida vajzën. Duan që ta ketë kujdestarinë Teodori”, tha e ëma e Marsidës.

Vjehrra e Marsidës, Bujarja e telefonuar live është përplasur me vëllain e Marsidës, Marselin që ndodhej në studio. Marseli tha se familja e ish-burrit të motrës, i cili vuan nga probleme mendore, e mbajnë me forcë vajzën e mitur. Sipas tij, ata me anë të mashtrimeve kanë arritur ta çojnë vajzën jashtë shtetit. Marseli tha se ata vijnë nga Italia por qëndrojnë shumë pak, duke paralajmëruar se nëse i sheh do bëj skandal, pasi motra e tij po vuan për vajzën.

“Kur mori gjykata vendimin që vajza të qëndronte me motrën unë isha atje. Vajza qante donte të vinte me ne. Ata thanë lëreni t’i bëjmë rrobat gati që nesër ta sjellim si njeri. Unë kam neveri për ta. Në qoftë se unë shkëmbehem dhe i shoh me mbesën time për dore, kur motrën e kam duke qarë unë do bëj ndonjë skandal”, tha Marseli, raporton “BalkanWeb”.

Edhe nëna e vajzës Marsida ka ndërhyrë në lidhje telefonike, ku ka rrëfyer se nuk flet me vajzën prej muajsh.

“Më mungon shumë vajza ime. Se kam takuar më vajzën që më 28 korrik. S'e kam parë më. Dhe ta telefonoj unë atë, nuk ma hapin telefonin”, tha Marsida.

Ndërkaq nga Itali, ku aktualisht ndodhet vajza e vogël me babanë dhe gjyshërit, vjehrra Bujarja akuzoi vëllain e ish-nuses se i ka kërkuar para. Sipas Bujares, Marsida as nuk sheh dhe as nuk dëgjon e s’mund ta mbajë vajzën, duke shprehur qartë qëllimin për të mos e lënë mbesën me nënën e saj.

“Vajza është shumë mirë me shëndet. Është në kopsht. Vajza është me gjithë të mirat. Më bëri përshtypje ai djali, që thotë që bën gjithçka për motrën. Ai më ka kërkuar çdo muaj 200 euro, mi sill se s’kemi bukë të hamë. Unë e kam mbajtur si Caritasi motrën e tyre. Unë i kam gatuar asaj gruaje. Ajo nuk shikon, merreni dhe vizitojeni. Ata nuk punojnë asnjëri, ku ta çoj vajzën unë tek jevgjit. Kur të marrë vendim Gjykata e Apelit do vendosim”, tha ajo.

Ndërsa i vëllai i Marsidës e kundërshtoi duke u shprehur se gjykata ka vendosur që vajza të jetë me nënën e saj.

“Marsida as sheh e as dëgjon. E kam djalin unë, nuk ua jap unë fëmijën atyre. Ata duan vetëm lekë”, ka shpërthyer ish-vjehrra e 29-vjeçares.

/portali DurresLajm/

Na bëni like në facebook!: 

Lajme nga e njëjta kategori

Është një nga rastet e rralla sot në Shqipëri që një nënë 31-vjeçare të sjellë në jetë brenda 10 viteve tetë fëmijë.

Katër ditë pas aktit heroik të Ardmir Murataj, i riu i cili shpëtoi nga mbytja dy motrat e mitura binjake në Fier, bashkia e këtij qyteti

   Analizat laboratorike në institucionet shtetërore treguan se një pjesë e vajit të etiketuar si vaj ulliri është thjesht mashtrim.

   Nesër është afati i fundit i dorëzimit të dokumentacionit për të gjithë ata që janë shpallur fitues në fazën e parë të aplikimit për k

Në gjashtë muajt e parë të këtij viti, shtesa natyrore e popullsisë (diferenca mes lindjeve dhe vdekjeve) ishte vetëm 484 persona, sipas

   Konsumatorët shpesh dyshojnë se mashtrohen ndërsa blejnë shishet me etiketat Vaj ulliri i virgjër.

   Autoriteti Kombëtar i Ushqimit ka shtuar vëmendjen në marketet e zonave rurale duke bërë të mundur ndalimin e tregtimit të ushqimeve t

   Shoqata e Prodhuesve të Bukës Shqipëri rekomandon që buka të mos shitet më e prerë në feta, siç jemi mësuar ta marrim atë zakonisht në

Një pilaf i ndenjur mund të jetë shumë më tepër helmues se çdo ushqim tjetër i gatuar që nuk ruhet sipas protokolleve të sigurisë ushqimo

   Qytetarët shqiptarë kanë shpenzuar më shumë para për të njëjtat produkte që kanë blerë gjatë muajit korrik.