Një 68-vjeçar është plagosur me thikë në Vaun e Dejës mbrëmjen e sotme. Ngjarja ka ndodhur rreth orës 21:30.
I plagosuri është me iniciale Z.P., i cili është dërguar në spitalin e Shkodrës për ndihmë mjekësore.
Policia ka identifikuar autoren e dyshuar të ngjarjes. Ajo është një 21-vjeçare, e cila është kapur dhe është shoqëruar në Komisariatin e Policisë së Vaut të Dejës.
INFORMACIONI PARAPRAK I POLICISË:
Rreth orës 21:30, në urgjencën e Spitalit Rajonal Shkodër ka mbërritur për ndihmë mjekësore shtetasi Z. P., 68 vjeç, banues në Vaun e Dejës, i plagosur me mjet prerës (thikë).
Shërbimet e Policisë kanë reaguar menjëherë, duke identifikuar dhe kapur autoren e dyshuar të plagosjes, një 21 vjeçare, banuese në Vaun e Dejës, e cila po shoqërohet në Komisariatin e Policisë Vau i Dejës, për veprime të mëtejshme.
Grupi hetimor nën drejtimin e Prokurorit po punon për sqarimin e rrethanave të sakta të ngjarjes dhe dokumentimin ligjor të këtij rasti.
