Një shqiptar është dënuar me 9 vite burg në Mbretërinë e Bashkuar pasi organizonte kalime me gomone për emigrantët, përfshirë fëmijë të moshës pesë vjeç nga Franca veriore përmes Kanalit të La Mansh-it.
Autori i identifikuar si Mustaf Cunaj, 41 vjeç ishte një ndër personat në Mbretërinë e Bashkuar i cili bashkëpunonte me kontrabandistë që besohet se kishin sjellë rreth 10,000 njerëz në vend, raporton Agjencia Kombëtare e Krimit (NCA).
Ai përdorte pseudonimin ‘John Brown’ për të kontaktuar emigrantët përmes WhatsApp dhe për të rregulluar lëvizjet.
“Kam pesë persona, ata nuk dinë të veshin jelek shpëtimi pasi janë fëmijë të vegjël”.
Hetuesit e lidhën atë me të paktën 31 kalime, duke përfshirë fëmijët deri në pesë vjeç, me çmimet nga 8,000 £ në 7,500 £.
Cunaj u arrestua për herë të parë në tetor 2022 dhe më pas në shtator 2023 duke u akuzuar për veprën penale, kontrabandë e qenieve njerëzore.
