Kryeministri Edi Rama ka shpërndarë në Facebook një video të ish-kapitenit të kombëtares shqiptare, Lorik Cana.

Në këtë video, Cana iu bën thirrje të gjithë qytetarëve që të ruajnë veten dhe njeri-tjetrin, për të kufizuar kontaktet fizike në mënyrë që të mos lejojmë përhapjen e koronavirusit.

Krahas videos kreu i qeverisë shkruan se nuk duhet patur frikë për këtë situatë por duhet të tregohemi të kujdesshëm.

“Mesazh i kapitenit legjendar të kuqezinjve, Lorik Cana

FRIKË JO, KUJDES PO!

DHE JU LUTEM:

Të ruajmë veten dhe njëri-tjetrin duke kufizuar sa më shumë kontaktet fizike! Të lajmë duart sa më shpesh për jo më pak se 20 sekonda! Të kufizojmë daljet dhe uljet nëpër kafene e restorante, vajtjet në palestra, disko e në mjedise të mbyllura me kontakte të shumta! Të mbrohemi me maskën e arsyes nga INFODEMIA – lajmet, kronikat, komentet, debatet që krijojnë konfuzion, pasiguri, shkurajim!” shkruan Rama.