Drejtori i Përgjithshëm i Policisë së Shtetit, Ardi Veliu ka urdhëruar sot lëvizjen e disa shefave të komisariateve të rëndësishme në Shqipëri.
Mësohet se ka pasur lëvizje të shefave të komisariateve të Durrësit, Shijakut, Elbasanit dhe Vlorës.
Emiliano Pashai nga Elbasani do të emërohet shef në Shijak dhe zëvendëson Arben Alikon i cili ka shkuar shef Sektori ne Drejtorinë e Policisë Durrës. Në Durrës nuk do të jetë më shef komisariati Saimir Duro.
Në Vlorë deri tani mësohet se Olti Zeqo do të zëvendësohet nga Edmond Pjetri. Kurse në Elbasan emërohet shef komisariati Ermal Lila.
