Sekretari i Përgjithshëm i PD-së, Gazment Bardhi, reagon ndaj deklaratave të Ramës, i cilim paralajmëroi gjyqtarët dhe prokurorët e korruptuar se do të jenë subjekt i ligjit Anti-KÇK.
Për Bardhin, ky ligj duhet të nisë punën nga vila luksoze 2 milionë euro e Edi Ramës dhe nga shtëpitë e padeklaruara të ministrit të Brendshëm, Sandër Lleshajt.
Bardhi: Prej 6 vjetësh, Edi Rama është kryepolic, kryegjykatës dhe kryeprokuror dhe në vend që të luftojë krimin në çdo qelizë të shtetit, ka futur në burg mbi 30 mijë qytetarë që nuk paguajnë dot faturën e ujit dhe të energjisë elektrike.
Nëse Edi Rama do ta kishte lënë të lirë drejtësinë, Edi Rama do të kishte përfunduar pas hekurave të burgut si kryeministri që ka vjedhur me ministrat dhe me kriminelët e tij me qindra milionë euro para dhe pasuri publike!
AntiKÇK të nisë punën nga vila luksoze 2 milionë euro e Edi Ramës dhe nga shtëpitë e padeklaruara të Sandër Lleshajt.
Në ndryshimet e bëra nga qeveria, Policia e Shtetit do të ketë të drejtën të kryejë përgjime ambjentale, ndërsa për ato telefonike do të duhet urdhri i Prokurorit.
Kryeministri sqaroi opinionin publik se pse operacioni Forca e Ligjit nuk ka nisur nga politikanët.
