Vetëdorëzohet në polici Lulzim Çuku, i cili mbrëmjen e të shtunës vrau me thikë bashkëshorten e tij, Manjolën.
Nga burimet zyrtare mësohet se 45-vjeçari është vetëdorëzuar në Komisariatin e Policisë Burrel, pas disa orësh në arrati.
Ngjarja e rëndë ndodhi në banesën e çiftit në Xhafzotaj, ku ndodheshin edhe tre fëmijët e mitur të çiftit.
NJFOTIMI I POLICISË
Durrës
Në lidhje me ngjarjen e ndodhur në Xhafzotaj, më datë 01.02.2020, ku shtetasi Lulzim Cuku, 45 vjeç, qëlloi me mjet prerës thikë, bashkëshorten e tij shtetasen M.C. 33 vjeçe, e cila për pasojë ndërroi jetë, ju informojmë se;
Policia e Durrësit pas njoftimit të marrë në lidhje me ngjarjen është vënë në ndjekje të autorit duke bashkëpunuar dhe me DVP Tiranë e DVP Dibër.
Gjithashtu nga shërbimet policore u ushtrua kontroll në shumë objekte e ndërtesa ku dyshohej se mund të fshihej autori.
Autori i dyshuar i ngjarjes, shtetasi Lulzim Cuku, si pasojë e trysnisë së Policisë është vetëdorzuar në Komisariatin e Policisë Burrel.
Shërbimet e e Komisariatit të Policisë Durrës po mbrrijnë në Komisariatin e Policisë Burrel për të shoqëruar autorin në DVP Durrës për veprime të mëtejshme.
