Një burrë, gjysmë i zhveshur, ka rënë nga kati i tretë i një ndërtese, pasi po qëndronte i varur në dritaren e një banese.
Ngjarja ka ndodhur në Zvicër, ndërsa sipas “The sun” ai kishte dalë nga banesa pasi burri i së dashurës ishte kthyer në shtëpi më shpejt nga ç’prisnin. Momenti i sikletshëm është filmuar nga një grua që u ndodh rastësisht në zonë, ndërsa pamjet janë bërë virale në rrjet.
Në videon e shpërndarë, ai duket teksa përpiqet që të mbahet fort, por nuk i shpëton rënies. Fillimisht burri përplaset mbi një automjet dhe më pas rrëzohet në tokë. Për fat të mirë, rrëzimi nuk pati pasoja serioze për jetën e tij.
