Një sherr ka ndodhur në Valias, Kashar midis dy kushërinjve për shkaqe pronësie, dhe njëri prej tyre ka qëlluar në drejtim të tjetrit me pistoletë manovër.
Policia ka shkuar sapo ka marrë njoftimin dhe ka arrestuar shtetasin Z.B
“Rreth orës 10:32, në vendin e quajtur “Valias”, Kashar, gjatë një konflikti për motive pronësie shtetasi E. B ka qëlluar me pistoletë manovër në drejtim të kushëririt të tij shtetasit Z. B.
Me marrjen e njoftimit nga shtetasi Z. B, shërbimet e policisë, të Komisariatit nr 6 kanë shkuar menjëherë në vendngjarje.
Si rezultat i veprimeve të shpejta kanë arritur të kapin dhe të shoqërojnë në Komisariat për veprime të mëtejshme hetimore shtetasin E. B.“, informon policia.
Në cilësinë e provës materiale u sekuestrua arma pistoletë manovër, me të cilën shtetasi E. B ka kryer qitjen.
Grupi hetimor vijon punën për sqarimin e mëtejshëm të rrethanave të ngjarjes.
