Presidenti Ilir Meta ka reaguar për situatën e krijuar sot te zona e Astirit ku mbetën të lënduar 12 persona, 5 efektivë dhe 7 banorë të zonës që kundërshtojnë prishjen e banesave që preken nga punimet për rrugën në Unazën e Madhe.
Meta shkruan se është e papranueshme dhuna e përsëritur sot ndaj banorëve ndërsa iu uron shërim të shpejtë të gjithë të plagosurve.
POSTIMI I METËS
E papranueshme dhuna e përsëritur sot ndaj banorëve të Unazës së Re, të cilët protestojnë në mbrojtje të shtëpive dhe të pronave të tyre.
Arroganca përballë mjerimit dhe traumës që po u shkaktohet këtyre familjeve për muaj të tërë është e patolerueshme.
Banorët të ruajnë qetësinë dhe të mos bien pre e provokimeve dhe palët të ulen menjëherë në dialog.
U uroj shërim të shpejtë të gjithë të plagosurve.
